يا جماعة كلنا نعرف نيلز و نذكر هذا الكارتون الحلو.
فد يوم أخونه نيلز و هو بطريقة لجزيرة لايلند صارت كدامه فد حادثة , انه و هو ديمشي بالغابة سمع صوت هوسة و عياط فراح ركض ديريد ايشوف شنو الموضوع , فشاف فد عصفور جاي من العراق ديبكي و يعيط و جاي يشتكي يم كبير الطيور من انه العصافير ديصير الها مذابح بالعراق بكل مكان بحجة انفلونزا الطيور و هذا العصفور ايكول انه العراقيين تاركين كل الطيور الخ و ديذبحون بس العصافير.
المهم كبير الطيور و نيلز هدئوا العصفور و اتعاطفوا وياه وصدكوا كلامه انه مثل مدايكول انه العصافير هي الوحيدة الي دتنذبح من وره انفلونزا الطيور.
بس وره اشوية اجتي حمامة من العراق همين دتبكي و دتشتكي من المذابح الي دتصير الها من وره انفلونزا الطيور, وهاي الحمامة اتكول انه العراقيين ديذبحون بس الحمام وتاركين باقي الطيور تعيش بامان.
ووراها بشوية اجه بلبل و همين ديبكي ويعيط و ديحجي نفس الحجي , المهم وراها كبة العركة بين الطيور لان كل واحد ايكول انه المذابح بس عليه و انه الباقي كذابين .
وخطية كبير الطيور صار عنده حالة نفسية و مديعرف منو أيصدك!!!!!
و هنا أدخل اخونه نيلز وسكت الكل و كال:
((ياجماعة انتوا كلكم صادقين بس المشكلة انه كل واحد منكم ديعرف بس اخبار المذابح الي دتصير على جماعته , و مديعرف شنو ديصير أباقي الطيور , و مديعرف و يمكن ما يريد يصدك انه المذابح بكل مكان و على كل الطيور و حتى توكف المذابح على الكل , لازم ان نتخلص من انفلونزا الطيور)).
يمكن افتهمتوا قصدي وعرفتوا منو انفلاونزا الطيور
اتمنى من كل واحد يدخل يكتب ماذا يعني انفلاونزا الطيور في هذه القصة,حسب رأيه الخاص؟؟؟
فد يوم أخونه نيلز و هو بطريقة لجزيرة لايلند صارت كدامه فد حادثة , انه و هو ديمشي بالغابة سمع صوت هوسة و عياط فراح ركض ديريد ايشوف شنو الموضوع , فشاف فد عصفور جاي من العراق ديبكي و يعيط و جاي يشتكي يم كبير الطيور من انه العصافير ديصير الها مذابح بالعراق بكل مكان بحجة انفلونزا الطيور و هذا العصفور ايكول انه العراقيين تاركين كل الطيور الخ و ديذبحون بس العصافير.
المهم كبير الطيور و نيلز هدئوا العصفور و اتعاطفوا وياه وصدكوا كلامه انه مثل مدايكول انه العصافير هي الوحيدة الي دتنذبح من وره انفلونزا الطيور.
بس وره اشوية اجتي حمامة من العراق همين دتبكي و دتشتكي من المذابح الي دتصير الها من وره انفلونزا الطيور, وهاي الحمامة اتكول انه العراقيين ديذبحون بس الحمام وتاركين باقي الطيور تعيش بامان.
ووراها بشوية اجه بلبل و همين ديبكي ويعيط و ديحجي نفس الحجي , المهم وراها كبة العركة بين الطيور لان كل واحد ايكول انه المذابح بس عليه و انه الباقي كذابين .
وخطية كبير الطيور صار عنده حالة نفسية و مديعرف منو أيصدك!!!!!
و هنا أدخل اخونه نيلز وسكت الكل و كال:
((ياجماعة انتوا كلكم صادقين بس المشكلة انه كل واحد منكم ديعرف بس اخبار المذابح الي دتصير على جماعته , و مديعرف شنو ديصير أباقي الطيور , و مديعرف و يمكن ما يريد يصدك انه المذابح بكل مكان و على كل الطيور و حتى توكف المذابح على الكل , لازم ان نتخلص من انفلونزا الطيور)).
يمكن افتهمتوا قصدي وعرفتوا منو انفلاونزا الطيور
اتمنى من كل واحد يدخل يكتب ماذا يعني انفلاونزا الطيور في هذه القصة,حسب رأيه الخاص؟؟؟
